ޝަރީފީ ޕްރީ ސްކޫލްގެ 12 ވަނަ ޤުރުއާން މުބާރާއި 3 ވަނަ މަދަހަ މުބާރާތުގެ ނަތީޖާ

ސްކޫލްގައި ކިޔަވަމުންދާ 64 ދަރިވަރުންގެ ތެރެއިން 35 ދަރިވަރުން ޤުރުއާން މުބާރާތުގައި ބައިވެރިވެފައިވޭ އަދި 42 ދަރިވަރުން މަދަހަ މުބާރާތުއި ބައިވެރިވެފައިވޭ. ޤުރުއާން މުބާރާތް ސްކޫލްގައި ބާއްވަނީ ސްކޫލްގައި ކިޔަވަމުންދާ ދަރިވަރުންގެ ހިތްތަކުގައި ކީރިތި ޤުރުއާންނަށް ލޯބި ޖައްސާ ޤުރުއާން ކިޔެވުމުގެ ރޫހު އާލާކޮށް ދިރުވާ ތަޖުވީދުގެ ހަމަތަކާއި އެކު ރީތިކޮށް ޤުރުއާން ކިޔަވާ ކުދި ބަޔަކު އުފެއްދުމަށް. ހަމަ މިގޮތުން މަދަހަ މުބާރާތް ބާއްވަނީވެސް ކުދިންގެ ހިތްތަކުގައި ދީނީ ކަންކަމަށް އަހުލުވެރި ކުރުމަށް.

ޤުރުއާން މުބާރާތް ބޭއްވިފައިވަނީ ޖުލައި މަހު 18 ވަނަ ދުވަހު. އަދި މަދަހަ މުބާރާތް ބޭއްވިފައިވަނީ ރަމަޟާން މަހު 23 ވަނަ ދުވަހު. މިދެ މުބާރާގެ ނަތީޖާވެސް ފާޅުކޮށްފައި ވަނީ 2 ސެޕްޓެމްބަރ ގައި. މިމުބާރަތަށް އިނާމް ހުށަހެޅުމުގެ ގޮތުން ދީލަތި އެހީތެރިކަން ދެއްވާފައިވާ ފަރާތްތަކަކީ

ވަނަ ތަކަށް ދިޔަ ދަރިވަރުންނަށް ޓްރޮފީ ގަތުމަށާއި ހިއްވަރު ދިނުމުގެ އިނާމް ގަތުމަށް ފައިސާ ޚަރަދުކުރެވިފައިވަނީ ސްކޫލްގެ ފަރާތުންނާއި، ދީލަތި ފަރާތްތަކުން ލިބިފައިވާ ފައިސާގެ އެހީއިންނެވެ. މިފަރާތްތަކުގެ ދީލަތި އެހީއާއިއެކު މިއަހަރު ބޭއްވުނު މިދެމުބާރާތުގައި ބައިވެރިވެ ވަނަ ހާސިލްކޮށްފައިވާ ދަރިވަރުންނަށް ، ދަރިވަރުން ހިތްހަމަޖެހޭ ފަދަ އިނާމްތަކެއް ލިބިފައިވެއެވެ. މިފަރާތްތަކާއި ގުޅިގެން މިއިނާމް ސްކޫލަށް ހޯދާ ދެއްވީ ސްކޫލްގެ ބެލެނިވެރިއެއްކަމަށްވާ ސ.މީދޫ ނިޔަދުރުގަސްދޮށުގެ އަލްފާޟިލް އަހްމަދު މައުސޫމްގެ މިންނެތް މަސައްކަތުންނެވެ. ޤުރުއާން މުބާރާތުގެ ނަތީޖާ ފާޅުކުރުމުގެ ޖަލްސާގެ ޝަރަފްވެރިއަކީ ސ.މީދޫ ނާބުގޭ އަލްފާޟިލް އަބްދުﷲ ސާލިޙްއެވެ. އެބޭފުޅާގެ ވާހަކަ ފުޅުގައި ވަނަތަކަށް ދިޔަކުދިންނަށް މަރްޙަބާ ދަންނަވައި، ވަނައަށް ނުހޮވުނު ކުދިންނަށް ހިއްވަރު ލައި ދެއްވިއެވެ. އަދި ރަށުގެ މިފަދަ ކަންކަމަށް އެބޭފުޅުން އެހީތެރިކަން ފޯރުކޮށް ދެއްވާނެކަން ހާމަކޮށް ދެއްވިއެވެ.

މީގެ އިތުރުން ވެސް ސްކޫލްގައި މިއަހަރު ތަފާތު ހަރަކާތްތައް ހިންގިފައި ވެއެވެ. ހިންގުނު ހަރަކާތްތަކަކީ ލަވަ މުބާރާތް، ދިވެހި ހަފްތާ، އިގިރޭސި ހަފްތާ، ކުދަކުދިންގެ ދުވަސް، އަދި ސްކޫލުން ބޭރުގައި ބޭއްވޭ ޤުރުއާން މުބާރާތްތަކުގައި ބައިވެރިވެ ސްކޫލަށް ރީތި ނަން ހޯދާދީފައިވެއެވެ.